Синоќа го постигна голот во кариерата и беше херој на Милан, а денеска ги дозна најдобрите можни вести

Милан синоќа го совлада Каљари со 1:0 во 30. коло од Серија А, а херој беше Исмаел Бенасер.

Милан со нова победа се врати на врвот во Серија А и на осум кола пред крајот е во најдобра позиција во борбата за Скудетото. „Росонерите“ имаат 66 бода, три повеќе од Наполи и шест повеќе од градскиот ривал Интер, кој исто така има натпревар помалку, но е во страшна криза и синоќа повторно падна два бода, ремизирајќи 1:1 со Фиорентина.

Да се ​​вратиме на Бенасер. Синоќа беше херојот на Милан, постигнувајќи спектакуларен гол во 60. минута, кој на крајот значеше победа и освојување нови три бода.

⚽️ Le goal de Bennacer ! pic.twitter.com/O8bkGcSxvo

— Milan Origin ?? (@ACMilanOrigin) March 19, 2022

Ден по одличниот натпревар, за него дојдоа уште одлични вести. Имено, Милан во наредните недели ќе му понуди нов договор, а оваа информација ја пренесе угледниот Фабрицио Романо.

Исто така, нов договор е подготвен и за Рафаел Леао, а се работи на доведување на Дивок Ориги.

AC Milan are prepared to sign Ismaël Bennacer contract extension in the coming weeks while they’re also discussing Rafa Leão new long-term deal, to be discussed soon. Both players want to stay ?⚫️ #ACMilan

Work in progress for Divock Origi as free agent signing for next season.

— Fabrizio Romano (@FabrizioRomano) March 20, 2022

Инаку, Исмаел Бенасер е член на Милан од 2019 година, кога пристигна од Емполи, а претходно настапуваше во помладата дивизија на Арсенал, Турс и Арл, каде ја започна својата кариера.

За Милан оваа сезона одигра 33 натпревари, а синоќешниот гол му беше втор сезонава, па додаде и една асистенција.

Неговиот актуелен договор со Милан истекува во летото 2024 година, но на Сан Сиро очигледно се задоволни од игрите на 24-годишниот Алжирец и сакаат да ја продолжат соработката со него.