Синот на Симеоне вели: Сакам трансфер во Атлетико повеќе од било што друго

Џовани Симеоне, син на Диего Симеоне, има голема желба да направи трансфер во Атлетико Мадрид.

Потсетуваме, Џовани во моментов игра за Каљари во кој е на позајмица од Фиорентина. Тој има постигнато 10 голови и четири асистенции оваа сезона.

Претходно беше поврзан со заминување во Атлетико бидејќи неговиот татко е тренер на тој тим, а „ESPN“ уште еднаш ја истакна таа приказна. Младиот Џовани вели дека би сакал да стане член на Атлетико дури и ако неговиот татко не е на клупата.

„Би сакал да, повеќе од било што друго“, рече Џовани на прашањето од новинар дали има желба да игра за Атлетико Мадрид.

„Тоа е затоа што сакав да играм за нив како дете. Татко ми ги тренира, но дури и да не беше таму, сепак би сакал да го направам тој трансфер затоа што тоа го сакав и како дете“, додава тој.

„Сè уште се надевам дека тој (Диего Симеоне) еден ден ќе биде мој тренер, дури и ако е тешко да се потпише за тим трениран од вашиот татко“.

Тој додаде дека за пример го зема Гонзало Игуаин од напаѓачите и дека постојано го следи на теренот кога игра Јувентус.