Славен Билиќ вчера го надмудри Пеп Гвардиола, денес доби отказ?

Менаџерот на ВБА, Славен Билиќ може да биде отпуштен веќе во среда.

ВБА вчера успеа да освои бод на тешкото гостување кај Манчестер сити на „Етихад“, играјќи 1:1, но и тоа можеби не е доволно за хрватскиот стручњак да остане на клупата на тимот што го претстави во Премиер лигата.

Клубот е претпоследен на табелата и водачите на ВБА веќе некое време разговараат за промена на тренерот. Некои од клупските лидери беа за да му се даде повеќе време на 52-годишниот Билиќ, но сопствениците се решени да го отстранат.

„Јас сум многу смирен. Ја сакам мојата работа и уживам во тоа. Работам напорно за себе и за мојот персонал во клубот. Сè друго е надвор од моја контрола. Не ми е грижа што се случува зад сцената, тоа не е моја грижа“, рече Билиќ, но бројни извештаи тврдат дека тој уште денес би можел да стане поранешен тренер на клубот.

Алардајс, Најџел Пирсон, Марк Хјуз и Еди Хоу, наводно, се кандидати за замена на поранешниот селектор на Хрватска и Вест Хем.