Слободни сте, можете да заминете без обештетување! Барса ги „брка“ Пјаниќ и Умтити

Пјаниќ пристигна во Барселона од Јувентус минатото лето, но под водство на тренерот Роналд Куман не играше, па сака да ја напушти Каталонија, свесен дека Холанѓанецот останува на клупата и дека ќе помине добар дел од времето на клупа во сезоната 2021/22.

„Мундо Депортиво“ носи нови и многу важни информации утрово. Барселона е подготвена да го раскине договорот со Пјаниќ, односно да го пушти да оди во друг клуб без обештетување! Тоа е одлука на претседателот Лапорте, а тој и управата на клубот сакаат да го ослободат Самуел Умтити на ист начин, покрај Пјаниќ. Испратено е писмо до играчите, со цел да се постигне спогодбено раскинување на договорот, што во овој случај може да биде најдобро за сите страни.

Ова ќе заштеди пари во Барселона, ќе го ослободи буџетот за плата, ќе го исполни финансискиот фер-плеј што го бара Ла Лига и на крајот на краиштата, тие ќе ги добијат сите можности за нов договор со Лионел Меси, кој е слободен агент од 1 јули.

Пјаниќ и Умтити се оние на кои Куман не смета, а Барселона ќе се обиде на кој било начин да ги пренесе на други клубови и да се ослободи од дополнителни трошоци.

Клубот ги информираше и двајцата за нивните планови. „Мундо Депортиво“ наведува дека Умтити не го прифатил предлогот од самиот почеток, бидејќи Барселона е негов приоритет, но сега се поизвесно е дека ќе се пресели во Франција, каде го следат Марсеј и Лион.

Што се однесува до Пјаниќ, тој сака да си замине, на кој било начин, но сè уште не одлучил за предлогот на Барселона. Јувентус и Интер се клубови кои се заинтересирани за неговите услуги во Италија, интерес има и од ПСЖ, а се шпекулира и за можен трансфер во Англија, каде го следат Манчестер Јунајтед и Тотенхем. Играчот за врска, сепак, прво сака да најде нов клуб, па дури потоа да го прифати предлогот на Барса за спогодбено раскинување на договорот.

На играчите не им одговара идејата да се откажат од договорот со Барселона баш така, но на „Камп Ноу“ тие знаат дека во спротивно ќе мора да страдаат бидејќи до крајот на истата тие најмногу би ја загревале клупата или дури и ќе седат на трибините.

Значи, тука работите се јасни. Барселона сака да се ослободи од играчи кои не му се потребни на Куман, и навистина ги има многу во списокот, така што или ќе бидат продадени или ќе им се даде можност да ги раскинат договорите и да потпишат во друг клуб без никакво обештетување. Во случај да одбијат и останат, тешко дека ќе добијат шанса да играат натпревари.