Словенија на колена, Македонија отвора со победа на ЕП во Хрватска

Македонија слави над Словенија 25:24 (11:11). Ова е за прв пат Македонија да издвојува победа на првиот натпревар од досегашните пет искуства на Европските првенства.

На полувремето, македонските ракометари со серија од 3:0 дојдоа до реми 11:11, за на крајот да ја победат третата репрезентација на светот, со резултат 25:24.

Најефикасен во нашата репрезентација беше Дејан Манасков со осум голови, седум постигна Кире Лазаров. Никола Митревски беше еден од хероите на мечот, нанижа девет обрани, Борко Ристовски имаше четири.