Солари тренер на Реал (М) до 2021 година

Пристигна и официјалната потврда дека Сантиаго Солари ќе биде предводник на актуелниот европски клупски шампион, тимот на Реал (М) до 2021 година.

“Кралскиот клуб” го повлече Солари од вториот тим на Реал (М) како привремено решение по прекинот на соработката со Хулиен Лопетеги, но аргентинскиот стручњак забележа четри победи по ред и сосема очекувано е награден од клупските челници.

Благодарение на четрите победи по ред и на гол разликата од 15:2, Солари го оствари најдобриот старт на еден тренер на Реал (М) во последните 116 години.

Конечната одлука беше донесена по тешкото гостување во Виго каде што избраниците на аргентинскиот стручњак остварија триумф од 4:2 и успеаа да и се доближат на Барселона на негатива од само четри бода.

Аргентинецот прво беше предводник на младинскиот тим на Реал (М) од 2013 до 2016 година, а потоа беше тренер на Реал (М) Б.