Спалети: Натпреварот беше изедначен и само пеналите можеа да го решат победникот

Тренерот на Интер, Лучијано Спалети, по елиминацијата од Лацио во четвртфиналето на Купот на Италија, рече дека двете екипи одиграле изедначен натпревар.

– Немавме доволно острина во нападот, а Лацио всушност имаше пет бранители зад линијата на топката. Се чинеше дека натпреварот е целосно изедначен и може да се реши само на пенали, изјави Спалети.

Тој објасни зошто во тимот го немаше Иван Перишиќ. Хрватот беше блиску до трансфер во Арсенал, но тоа не се случи.

– Сфати дека бил измамен, но тој е професионалец, ја разбира својата улога. Сега ќе продолжи со тренинзи и кога неговиот ум ќе се врати во Интер, ќе му дозволиме да игра, соопшти тренерот Спалети.