Странци го организирале инцидентот на вечното дерби

Во организацијата на нередите на 156. вечно дерби вчера во Белград, учествувале најмалку стотина лица, меѓу кои шест Хрвати и по еден Грк и Бугарин соопштија српските безбедносни служби.

На дербито Партизан – Црвена ѕвезда дојде до тепачка на трибината со партизанови навивачи, а повредени се околу 20 лица.

Српското министерство за внатрешни работи соопшти дека се приведени 26 лица, меѓу кои има и странски државјани.