Светскиот шампион одеднаш се повлече од трката на 200 метри

Американскиот спринтер Кристијан Колман се повлече од 200 метри на Светскиот шампионат во атлетика Доха.

Колман го освои златото во трката на 100 метри и требаше да учествува во уште една трка од 200 метри квалификации.

Околу два часа пред трката, неговото име беше повлечено од почетниот список.

Се очекуваше Колман да биде еден од кандидатите за златото во трката на 200 метри, заедно со Андре Де Грас и Ноа Лилс.

Нема информации дали Колман ќе учествува во штафетата 4х100 метри.