Таткото на Меси: Не се чувствуваме повредено од Барселона, само од неколку луѓе

Таткото на Лионел Меси, Хорхе, рече дека тој и неговиот син не се чувствуваат повредени од Барселона за начинот на кој се случи нивното заминување од клубот, туку од одредени луѓе.

Зборувајќи утрото по дебито на Меси за ПСЖ, Хорхе негираше дека семејството на Меси е луто на Барселона за начинот на кој клубот го отпушти.

Меси беше подготвен да го продолжи договорот со Барселона, откакоостана слободен агент неколку месеци и отиде во Каталонија да го потпише договорот.

Но, клубот го извести дека е невозможно да го потпише поради финансиските правила на Ла Лига, и покрај тоа што Аргентинецот ја намали платата за 50%.

На прашањето дали се чувствува повреден од Барселона, Хорхе Меси одговори: „Не, не од клубот“.

„Се чувствувам повредено од некои луѓе, тоа е се“, додаде тој.

Хорхе беше запрашан и како се чувствува кога го виде Меси како игра за ПСЖ. Неговиот одговор беше краток: „Така е животот“.