Тотенхем не го пушта Деле Али да си замине

Лондон, 22 септември 2020 (МИА) – Играчот за врска на Тотенхем, Деле Али, нема да го менува клубот во текот на тековниот преоден рок

Според „Дејли мејл“ 24-годишниот Англичанец имал конфликт со главниот тренер на Спарс, Жозе Мурињо, но управата на клубот ќе се обиде да ги реши сите недоразбирања и да го задржи Али во Лондон.

Претходно имаше информации дека ПСЖ и Реал се заинтересирани за фудбалерот.

Минатата сезона во Премиер лигата, Деле Али одигра 25 натпревари на кои постигна осум гола и оствари четири асистенции. зс/