Тоти: Никој не може против Јувентус

Легендата на Рома Франческо Тоти искрено призна дека неговиот сакан тим не може да се бори со Јувентус за Скудетото.

„Волчицата“ има четири од можните девет бодови на почетокот на првенството, а Тоти тврди дека Јувентус е посебна приказна и дека се далеку од конкурентите, па дури и од неговата Рома.

„Никој не очекуваше ваков старт на сезоната, но не смееме да впериме прст во било кој. Сите големи играчи во лигата имаат потешкотии, освен оние на Јувентус, но тие се далеку над конкурентите“ рече Тоти, па додаде:

„Нашата цел е борба од второто до четвртото место. Еузебио Ди Франческо е еден од најдобрите тренери во Италија и тоа со време ќе се покаже. Тој знае како треба да се работи, но му треба поддршката од навивачите“, истакна Тоти.

Тоти кариерата ја започна и ја заврши во Рома. Играше од 1992. до 2017. година и во 786 натпревари постигна 307 голови, а 2001. година со „Волчицата“ го освои единственото Скудето.