Тројца играчи на Барселона јавно изразија поддршка за народот на Палестина!

Многу спортисти ширум светот, претежно од исламска вероисповед, дадоа поддршка на народот на Палестина по новите конфликти со Израел.

Во претходните денови, судирите продолжија во Палестина откако израелската полиција неочекувано упадна во џамијата Ал-Акса и започна да ги напаѓа верниците кои беа таму.

Израелците не избраа кого да удрат иако верниците не направија ништо лошо таа вечер, а на никого не му беше јасно зошто полицијата влегла во џамијата додека траела молитвата. Како резултат, започнаа нови конфликти меѓу Израел и Палестина, кои повторно ескалираа.

По конфликтот во џамијата, Хамас реши да одговори со истрелување ракети врз израелска територија, но Израелците жестоко возвратија со воздушни напади.

Израел одлучи да одговори по нападот на Хамас со повеќе од 130 удари во кои беа убиени најмалку 22 лица, од кои девет деца. Од Израел, тие ги опишаа овие напади како напади врз „воени цели во Газа“.

Познато е дека светските медиуми не обрнуваат толку многу внимание на она што им се случува на луѓето во Палестина, но многу познати личности ги поддржаа.

Овие се претежно припадници на исламската вера кои повикаа на крај на конфликтот и бараат правда за народот на Палестина.

На оваа поддршка се придружија тројца играчи на Барселона, имено Миралем Пјаниќ, Усман Дембеле и Илеикс Мориба. Се надеваме дека пораките на некои познати личности конечно ќе имаат некои придобивки, но судејќи според минатото, тешко е тоа да се случи.

Другите светски сили од страна ги следат настаните и понекогаш со пораки објавуваат дека Израел не треба да им го прави тоа на Палестинците, но секогаш останува само на тоа.