Циципас ја освои титулата во Лион

Грчкиот тенисер Стефанос Циципас победи на АТП турнирот во Лион.

Циципас премногу лесно го совлада Британецот Камерон Нори во финалето на турнирот во Франција со 6:3, 6:3.

Гркот игра се подобро и подобро, а денес стигна до седмата титула за само 70 минути игра.

Првиот сет заврши со брејк во осмиот гем, а во вториот сет имаше два брејка и на крајот мирно дојде до триумф.

Нори обезбеди и добра игра на земја и на турнир кој служи како добра подготовка за Ролан Гарос, но сепак во финалето не можеше против фаворизираниот Циципас.