Убедлив триумф на Шкендија на гостувањето кај Работнички

Дербито на петтото коло на Првата фудбалска лига заврши со убедлив триумф на лидерот Шкендија над Работнички со 6:2. Гостите од Тетово ја искористија предноста од играч повеќе, откако по 7 минути игра беше исклучен домашниот фудбалер Филип Дурански.

Изненадување направи повратникот во Првата лига Скопје откако со шампионот Вардар одигра нерешено, а „црвено-црните“ дуелот го завршија без исклучениот капитен Бобан Грнчаров. Без победник заврши и натпреварот Победа – Академија Пандев, додека гостински триумф „запиша“ Шкупи против Силекс.

Резултати на натпреварите од 5.коло: Скопје – Вардар 1:1, Победа – Академија Пандев 2:2, Работнички – Шкендија 2:6, Силекс – Шкупи 0:1 и Ренова – Пелистер 1:0.

Табела: Шкендија 13, Пелистер 8, Академија Пандев 8, Вардар 7,Шкупи 7, Силекс 6, Ренова 5, Победа 5, Скопје 3, Работнички 2.