Велковски: Ќе мора да ги искористиме нашите шанси

Македонската фудбалска репрезентација денеска го одработи последниот тренинг во пресрет на натпреварот против Украина кој на распоредот е утре од 15:00 часот.

Дарко Велковски во пресрет на натпреварот истакна дека мораме да ги искористиме нашите шанси доколку сакаме да имаме позитивен резултат.

„Мисалм дека нема да биде многу поразличен овој натпревар од претходниот. Селекцијата на Украина се докажа како доста добра репрезентација. Ќе мора да ги искористиме нашите шанси. Имавме неколку со Австрија, не ги искористивме и потоа го примивме тој гол поради мал пад на концентрација. Се надева дека нема де се случи на следниот натпревар и како што кажав, ако ги искористиме шансите и ако имаме концентрација цели 90 минути, се надевам дека ќе дојдеме до поволен резултат, дури и до победа“, рече Велковски.

Споредувајќи ги Австрија и Украина, Велковски мисли дека Украинците не се толку дисциплинирани и дека ќе имаме можност да дојдеме до неколку шанси за гол.

„Мислам дека двете екипи сакаат да играат пресинг, додека Украинците не се толку дисциплинирани како Австриците. Можеме да најдеме повеќе дупки како на пример на контранапади и во средината и се надевам дека ќе ги искористиме тие дупки и дека ќе дојдеме до две-три зрели шанси да дадеме гол“, рече Велковски