Connect with us

Фудбал

Вест Хем ги искористи очајните грешки на Динамо, Брага падна на „Маракана“

Англискиот Вест Хем го победи Динамо со 2:0 во првото коло од Европската лига.

Чеканите максимално ги искористија грешките на Динамо, ги казнија и остварија сигурна победа.

Гостите поведоа во 22. минута. Голема грешка направи Кевин Теофил-Кетрин кој се обиде да му ја врати топката на голманот Ливаковиќ, но најбрз од сите беше Михал Антонио и погоди за 1:0.

Со овој резултат заминаа на одмор, а на самото отворање на второто полувреме Вест Хем го постигна вториот гол.

Одличниот Деклан Рајс помина низ одбраната на Динамо, а потоа го совлада Ливаковиќ за предност од 2:0.

До крајот на натпреварот Вест Хем сигурно ја задржа предноста и дојде до сигурна победа.

Црвена Звезда ја совлада Брага со 2:1 на Маракана.

Во многу цврста и добра игра, ги видовме головите во последните 15 минути.

Звезда поведе во 75. минута со голот на Родиќ за 1:0, но гостите погодија за 1:1 минута подоцна.

Сепак, белградскиот клуб дојде до победата во 85. минута. Беше досуден пенал, кој Катаи го претвори во гол за конечни 2:1.