Вест Хем го раскинува договорот со Вилшир

Лондон, 11 септември 2020 (МИА) – Англиски Вест Хем Јунајтед повеќе нема да се потпира на поранешниот англиски репрезентативец Џек Вилшир, објавија локалните медиуми.

Раководството на лондонскиот тим разговарало со 28-годишниот играч за врска за раскин на договорот со клубот, кој е до следното лето.

Вилшир, кој има 34 настапи за репрезентацијата на Англија, претрпе чести повреди во последните неколку сезони и не е во можност да го искористи својот потенцијал.

Во последната кампања, тој забележа само 358 минути на 10 натпревари во Вест Хем, постигнувајќи 1 гол на турнирот во Лига купот.