ВИДЕО: Бонучи и навивачите се смириа на најдобар можен на начин

Фудбалерите на Јувентус во изминатиот викенд на домашен терен го совладаа Лацио со 2:0 во второто коло до италијанската Серија А.

„Старата дама“ успеа да дојде до нови три бода против стариот ривал, иако јасно може да се види дека играта на Јуве не е на нивото на кое се очекуваше да биди. Сепак, и покрај тоа Јуве успеа да го совлада Лацио, а головите за овој тим ги постигнаа Миралем Пјаниќ и Марио Манџукиќ.

Во центарот на вниманието во Торино беше Леонардо Бонучи кој се врати во Јуве по само една сезона во Милан. Навивачите на Јувентус го исвиркуваа Боинучи секој пат кога тој беше во контакт со топката и јасно му дадоа до знаење за тоа што мислат тие за неговото „предавство“. Но, изгледа дека „војната“ помеѓу нив конечно заврши.

Имено, на крајот на натпреварот играчите отидоа до најверните навивачи за да ги поздрават, а во центарот на вниманието беше Бонучи. Тој се извинуваше поради се што се случило, а на крајот приказната добива среќен крај затоа што навивачите со громогласен аплауз го поздравиа повратникот во „Старата дама“.