ВИДЕО: Гатусо му удри шлаканица на играчот на Милан затоа што позираше со дресот на Барса

Италијанскиот стручњак Џенаро Гатусо е познат по својот темперамент кој го красеше и кога го носеше дресот на Милан и на репрезентацијата на Италија.

Гатусо секогаш го кажува она што го мисли, а често реагира и на начин од кој многумина остануваатбез текст. на е реткост Гатусо да удира шлаканици по своите помошници или играчи, а тоа го демонстрираше и кон почетокот на овој месец кога неговата екипа играше пријателски натпревар против Барселона.

Росониерите славеа со минимални 1:0, а во центарот на вниманието се најде младиот дефанзивец на овој клуб Габриеле Белоди. Тој на крајот од натпреварот го доби дресот од Тер Штеген со кој се пофали пред камерите.

Сепак, остана во шок кога некој му удри шлаканица од зад грб, а кога се сврти виде дека беше Гатусо. Очигледно е дека на тренерот на Милан не му се допадна тоа што неговиот играч позира со дресот на Барселона, па одлучи да го „казни“ поради тоа.