ВИДЕО: Имобиле промаши пенал, Болоња го „казни“ Лацио, фантастичен гол на Сансоне

Лацио е поразен на гостувањето кај Болоња. Мечот сигурно ќе имаше поинаков тек доколку Имобиле при 0:0 погодеше од белата точка. Најдобриот стрелец на Лацио не реализираше, а потоа стигна казната. Најнапред Мбаје во 19-та погоди за 1:0, а потоа Сансоне со волеј постигна прекрасен гол за победа на Болоња од 2:0. Лацио е на 6-то место со 43 бодови, а со 28 Болоња се искачи на 11-то место.

Вечерва играат уште Верона и Јувентус, а во првиот меч Специја и Парма ремизираа 2:2.