ВИДЕО: Интер и Милан го претставија новиот стадион – магичен и прекрасен

Интер и Милан денеска јавно ги претставија два проекти за изградба на новиот стадион, односно уривање на Сан Сиро и изградба на комерцијална област околу новиот стадион.

Во моментов има две компании кои ги доставиле своите проекти и една од нив ќе биде објавена за победник. Вредноста на секој проект е 1,2 милијарди евра и новиот стадион ќе има 60.000 места.

„Manica Crm Sportium“ е првата компанија што го доставила проектот, за изградба на новиот стадион во областа каде што се наоѓа стариот стадион и изградба на три кули низ околината.

Друга компанија, има дизајнирано стадион во вид на квадрат, со една висока кула, една помала и пет други згради за комерцијална употреба од страна на клубовите.