ВИДЕО: Како реагираше Салах на прашањата за Рамос и шансата да игра на СП?

Мохамед Салах денеска пристигна во Шпанија, а на аеродромот беше пречекан од локален новинар.

Новинарот почна со прашања, но 25-годишниот Египќанец молчеше и не обрнуваше внимание на претставникот на седмата сила.

Во суштина, новинарот го прашуваше Салах дали ќе биде подготвен за Светското првенство, дали ќе остане во Ливерпул и дали мисли дека Серхио Рамос намерно му наштети.

Можеби шпанскиот јазик беше проблем за Салах кој никогаш не играше во Шпанија, но јасно е дека ова не е моментот кога египетскиот репрезентативец е расположен да одговара на прашања.

Сите се надеваме дека ќе биде подготвен за Светското првенство, кое започнува за нешто повеќе од две недели.