ВИДЕО: Непризнат чист гол на Меси

Барселона беше оштетена синоќа на „Местаља“ на гостувањето кај Валенсија, откако на Лионел Меси не му беше признат чист погодок по половина час игра при резултат 0:0.

Меси шутираше од околу 17 метри, домашниот голман ја испушти топката која ја мина гол-линијата и по уште една интервенција ја извади од голот. Каталонците почнаа да се радуваат, но судијата даде знак играта да продолжи и не им го призна голот.

Подоцна Валенсија поведе, а Барселона изедначи за конечни 1:1.