Connect with us

Фудбал

ВИДЕО: По освојувањето на Копа Америка, Меси најпрво го повика својот син

За прв пат по 28 години, Аргентина ја освои Копа Америка.

Конечно, Лионел Меси успеа да освои голем трофеј со Аргентина, и тоа ни помалку ни повеќе, туку на култната бразилска Маракана против Бразил.

Моментот на одлука се случи во 22. минута. Де Пол со долга топка го пронајде Ди Марија, лошо реагираше бразилскиот дефанзивец Ренан Лоди, Ди Марија излезе пред Едерсон и мајсторски го лобовираше.

Бразилците не успеаја да израмнат до крајот, па започна лудата прослава на Аргентинците. Сите танцуваа, полудуваа од среќа и во еден момент Меси го зеде мобилниот телефон и воспостави комуникација со неговиот син преку видео повик.

Му го покажа и го бакна златниот медал, сите горди, а секако и неговиот син беше возбуден, па плачеше од среќа. Како и да е, една посебна вечер за сите Аргентинци …