ВИДЕО: Ѕвездата на Јунајтед се скара со навивач – „Па, не сум на теренот“

Манчестер Јунајтед вечерва беше понижен од Ливерпул во најголемото англиско фудбалско дерби.

„Црвените ѓаволи“ беа декласирани со 5:0 на Театарот на соништата, а веќе на полувремето „црвените“ имаа водство од четири гола.

Џеси Лингард не доби шанса да настапи на овој натпревар.

Незадоволните навивачи на Јунајтед му дофрлуваа на Лингард од трибините, а тој сосема искрено им одговори.

„Па, не сум на теренот“, му рекол Лингард на навивачот на Јунајтед кој го навредувал.

Jesse Lingard replies to a #mufc fan who is throwing abuse at him: "I'm not on the pitch." #mulive [@CantonaManc] pic.twitter.com/95eyulfBOV

— utdreport (@utdreport) October 24, 2021

Одличниот фудбалер не доби премногу простор за игра од Солскјаер. Најмногу добиваше шанса од клупата, а на седумте одиграни натпревари собра 146 минути.

Тоа беше доволно за да постигне два гола и да забележи една асистенција, што секако е многу добар учинок.