Вон се враќа на патеката

Четирикратната носителка на Светскиот куп во алпско скијање, Линдзи Вон (34), викендов за прв пат ќе стартува оваа сезона во Австрија. Американката е целосно опоравена по повредата на коленото и ќе се врати на патеките. Вон ќе земе учество во натпреварите во спуст и Супер-Џи во австрискиот зимски центар Сент Антон оваа сабота и недела.

• Уште не сум завршила! Поминаа тешки шест недели, но повторно сум на скии и немам трпение да се вратам на стартната линија. Ќе се видиме во Сент Антон викендов, напиша олимписката шампионка во спуст од 2010 година на својот Инстаграм – профил.

Линдзи, која е најуспешна алпска скијачка со 82 победи во Светскиот куп, се повреди на тренинг во Резене Маунтин во Колорадо во ноември.