“За Нејмар вратата е отворена, Кристијано не е шеф во Реал“

Сагата за заминувањето на Кристијано Роналдо веќе со денови ги полни насловните страни во европските медиуми.

Португалецот наводно сака да замине од Реал, а како негова замена во Мадрид се спомнува најскапиот фудбалер на светот, Нејмар.

Фактот дека претседателот на Реал ја „брака“ бразилската звезда, е наводната причина поради која Роналдо сака да ги напушти „Кралевите“, а за потенцијалниот трансфер на Наејмар зборуваше левиот бек на „Кралевите“, Марсело.

„Кристијано не е шеф во Реал Мадрид. Зошто Нејмар да не дојде, па дури и ако Роналдо е тука. Вратите за Нејмар во Реал се секогаш отворени. Ние секогаш ги сакаме најдобрите фудбалери во тимот и Нејмар еден ден ќе заигра во Мадрид“, рече Марсело.

„Не го сваќам начинот на кој се доделува Златната топка. Дали се тоа трофеите, играта во текот на сезоната, квалитетот на фудбалерот. Моментално за Мнене Кристијано Роналдо е најдобриот на светот, но верувам дека Нејмар наскоро ќе биде еднаков со Кристијано“ истакна Марсело.