Заниоло позитивен на коронавирус

Италијанскиот репрезентативец Николо Заниоло објави дека е позитивен на коронавирус.

Заниоло е надвор од терените од март поради сериозна повреда на коленото, но последните недели се врати и полека започна да тренира.

Тој сега објави на Инстаграм дека е позитивен на коронавирус и дека ќе мора да оди во изолација.

„Здраво на сите, за жал тестот покажа дека сум позитивен иако не чувствувам никакви симптоми. Се чувствувам добро, но секако започнав со карантин. Се надевам дека ќе се вратам на тренинзите што е можно побрзо, а дотогаш ги бодрам соиграчите од дома“, напиша Заниоло.