Заврши шестдневната програма натпревари во Премиер лигата

Со натпреварот одигран синоќа меѓу Тотенхем и Вест Хем што заврши без победник 1:1, беше комплетирана шестдневната програма натпревари во Премиер лигата каде беа одиграни дуели од две редовни кола.

Лондонското дерби што се одригра на „Вембли“ пред 50.000 гледачи не донесе победник, но двата гола беа ефектни. Вест Хем поведе во 70. минута преку Педро Обианг, додека Тотенхем изедначи во 84. минута преку Сон Хеунг-Мин.

Тотенхем остана на 5. место на табелата со 41 бод, три помалку од Ливерпул, додека Вест Хем има скок од една позиција и со 22 бода се наоѓа на 15. место. Ист број бодови имаат и Њукасл и Кристал Палас.

Во Премиер лигата оваа недела ќе има пауза бидејќи се играат дуелите од 3. коло од ФА Купот.