Жозе Мурињо: Ми требаше време, не ми дадоа доволно

Португалскиот тренер Жозе Мурињо верува дека не му било дадено доволно време на клупата на Манчестер Јунајтед.

Мурињо се надева дека долго ќе остане во Тотенхем и посочува дека му треба одреден период за да ја постигне целта. Во Манчестер немаа многу трпеливост со човек кој претходно сензационално ја освојуваше Лигата на шампионите со „еден“ Порто, а потоа и со Интер …

Неговиот Тотенхем сега се на првото место во Премиер лигата поради подобрата гол-разлика во однос на Ливерпул, а двата тима се среќаваат вечерва во дербито на колото.

Мурињо се приклучи на Тотенхем 11 месеци откако беше отпуштен во Манчестер Јунајтед, напуштајќи го клубот по две и пол години на чело.

„Во одреден период од мојата кариера, со профилот на клубот на којшто добив раце, не ни требаше толку време за да постигнеме успех. Двата пати тоа се случи во Порто, Интер, Реал, Челси и без потреба од долговечност и исто така мојата желба да се обидам во различни работи и луди желби да одам во многу земји и да се обидам да освојам и да добијам различни искуства. Првиот клуб каде што мислев дека ми треба време и не ми беше дадено, беше Манчестер Јунајтед. Се чувствував како да заминав во средината на процесот, но учам да ги почитувам одлуките рано, па го почитував тоа што го направи Јунајтед“, изјави Мурињо.

Жозе вели дека секогаш правилно и на убав начин се разделувал со клубовите и дека истото го сторил и во Манчестер Јунајтед.

„Чувствувам сега дека имаме доволно време во Тотенхем, дека ми веруваат и секако доколку се појави можност, ќе го забрзаме целиот процес, но мислам дека сме на добар пат и правиме добри работи“, додаде тој.