Connect with us

Фудбал

Зидан нема дилема: Бензема е најдобриот француски напаѓач на сите времиња

Карим Бензема го предводеше Реал Мадрид до победата против Атлетик Билбао (3:1).

Кралевите повеќе се мачеа со играч повеќе на овој натпревар, но на крајот пресуди Бензема со два гола во финишот на мечот.

По овој натпревар, тренерот на Кралевите, Зинедин Зидан, го нарече Бензема најдобриот француски напаѓач на сите времиња.

„Да, за мене тој е најдобриот француски напаѓач на сите времиња“, рече Зидан и додаде:

„Неговите бројки зборуваат сами за себе. Тој одигра повеќе од 500 натпревари, постигна голови, а сега е покомплетен играч од порано. Тој не е чиста деветка, не мисли само на голови и затоа го обожавам“, истакна Зидан.

Бензема има одиграно вкупно 529 натпревари и постигнато 259 голови во дресот на Реал Мадрид од 2009 година, кога пристигна од Лион. Тој освои апсолутно сè со Кралевите.