Зимска понуда за Компани

Каталонскиот гигант Барселона ќе се обиде за време на зимскиот преоден рок да ги осигура услугите на ветеранот од редовите на актуелниот шампион на Англија, тимот на Манчестер Сити, Винсент Компани.

Повремениот репрезентативец на Белгија веќе со години е капитен на популарните “граѓани”, но во актуелната сезона, централниот дефанзивец има скромна минутажа.

Актуелниот шампион на Шпанија е во потрага по нов дефанзивец кој треба да биде помош за стандардните првотимци, Жерар Пике и Самуел Умтити. Неофицијално, Барса е подготвена да одвои 5 мил. евра за услугите на Компани.