“Златната топка” за Модриќ

Најдобрите фудбалери во последната деценија Лионел Меси и Кристијано Роналдо нема да ја добијат Златната топка оваа година, објави “Дејли мирор”.

Истиот таблоид додава дека капитенот на Барселона и ѕвездата на Јувентус нема да влезат меѓу првите тројца кандидати. Како што се наведува во англискиот весник, најверојатно, наградата ќе ја добие Лука Модриќ.

Хрватот со Реал (М) ја освои Лигата на шампионите, а со националниот тим играше финалето од СП 2018. На двата турнири, тој беше прогласен за најдобар играч.
Покрај Модриќ, меѓу првите тројца ќе бидат Рафаел Варан и Килијан Мбапе.