Зошто Жиру откако го постигна голот отиде и го прегрна Дејвид Луиз?

Фудбалерите на Челзи во 37. коло од англиската премиер лига во неделата го одиграа натпреварот против Ливерпул.

Одлучувачкиот момент од вчерашниот натпревар на Стемфорд Бриџ беше во 32. минута, кога Мосес одлично асистираше за Жиру кој ја затресе мрежата на Ливерпул за 1:0. Откако го постигна голот, Жиру истрча кон клупата за резерви за да го прослави.

„Знаев дека Мосес ќе тргна десно и откако не центрираше од прва, бев сигурен дека мора да биде на првата статива и за среќа дадов гол. Прославата? Па, Давид Луиз е мој добар пријател и ми беше чест нему да му посветам овој гол, бидејќи минува низ многу тежок период“, рече Жиру.

Францускиот напаѓач ги изненади навивачите на Челзи откако истрча и го прегрна бразилскиот дефанзивец, кој веќе некое време седи на трибините.