15.000 навивачи присуствуваа на тренингот на Аргентина во Шпанија

Аргентинскиот тим со својата ѕвезда Лионел Меси тренира пред 15.000 навивачи на стадионот на Атлетик Билбао во северна Шпанија , додека се подготвува да игра против Италија во Лондон во пресметката меѓу јужноамериканскиот и европскиот шампион.

Аргентина тренира во текот на неделата зад затворени врати во тренинг базите на Атлетик надвор од градот. Билетите за тренингот на Аргентина чинат 12 евра за навивачите и 10 евра за поддржувачите на Атлетик Билбао.

Натпреварот кој го носи името „Финалисима“ ќе се игра на 1 јуни во британската престолнина. Настанот ќе ја одбележи соработката меѓу УЕФА и КОНМЕБОЛ, која ќе трае до 2028 година.

Репрезентацијата на Италија ја освои втората европска титула во 2021 година, а Аргентина ја освои Копа Америка по 15-ти пат во својата историја.