Ѓоковиќ повторно без маска и без дистанца, не учи од последиците од неговата турнеја

И покрај тоа што доби широка критика за организирање тениски турнир среде пандемијата – што заврши со заразување на неколку играчи и тренери, вклучувајќи го и самиот тој – Новак Ѓоковиќ сè уште одбива да носи маска.

33-годишниот Србин беше фотографиран на одмор во средата во Марбела, Шпанија, додека се забавуваше со голем број луѓе

Никој во групата луѓе што стојат до Ѓоковиќ не носеше маска или пак одржуваше социјална дистанца, кои се упатства за заштита од инфекција „Ковид-19“.

Шпанија е особено тешко погодена од коронавирусот во Европа, со над 28.000 луѓе починати, додека оние што се фатени без маска се казнети со 110 долари.

Самиот Ѓоковиќ се опорави од „Ковид-19“, бидејќи беше меѓу голем број заразени за време на тенискиот турнир во Србија и Хрватска, организиран од него минатиот месец.

Ѓоковиќ го организираше тој турнир за да ги надомести откажаните официјални тениски турнири. За време на турнирот, учесниците воопшто не ги следеа препораките на медицинските експерти и на крајот некои беа заразени.