Зидан одговори зошто не го земал Бејл за дуелот со Манчестер Сити

Реал Мадрид утре вечер му гостува на Манчестер Сити во реваншот од осминафиналето од ЛШ. Освен тоа што треба да брка негатива од 2:1, Зинедин Зидан се соочува со бројни прашања од новинарите за ситуацијата и односот со Герет Бејл.

Како што е познато, Велшанецот не е повикан за овој меч, иако е здрав, односно не е повреден.

Зидан со следниот одговор.

-Не сакам ништо да кажам. Го почитувам Бејл како и сите играчи. Некои работи остануваат во соблекувалната, помеѓу тренерот и играчот и тоа е се. Тој е фудбалер на Реал Мадрид и тоа го почитувам. Тој не сака да игра и тоа е единственото нешто што можам да ви го кажам, изјави Зидан.