Не може без скандал: Само што го облече дресот на Јувентус, Влаховиќ веднаш ќе биде казнет!

Душан Влаховиќ на својот 22 роденден стана фудбалер на Јувентус.

Неколкудневните интензивни преговори позитивно завршија во петокот. Прво со лекарски, а потоа со потпис. Влаховиќ стана играч на Јувентус.

Одличниот српски напаѓач пристигна од Фиорентина за 70 милиони евра кои ќе бидат исплатени во следните три години. Менаџерската комисија изнесува 11,6 милиони, а можните бонуси до 10 милиони евра.

Влаховиќ не го криеше ентузијазмот за потписот за Јувентус, што го потврди со првите изјави како член на торинскиот клуб.

„Јувентус претставува гордост, традиција и гордост. Тимот е секогаш на прво место. На располагање сум на тренерот и на моите соиграчи“, рече меѓу другото Влаховиќ.

Сепак, еден од најголемите трансфери во историјата на јануарскиот преоден рок не можеше да помине без скандал, а за Влаховиќ се подготвува казна.

Според информациите од Италија, Влаховиќ бил позитивен на коронавирус и го прекршил правилото за карантин со доаѓањето во Торино.

„Секој што примил три вакцини помеѓу позитивниот и негативниот тест, мора да почека седум дена. Ова се правилата. Доколку излезе од изолација, тоа е прекршување на правилата за кои е казнет“, изјави Џорџо Гарофало, директор за јавно здравје во кризниот штаб во Тоскана.

„Акцијата што ја презедовме е задолжителна, мирни сме и во четвртокот ги презедовме сите неопходни мерки“, додаде тој.

АСЛ соопшти дека Влаховиќ не добил никаква дозвола да отпатува во Торино на лекување и потпис, поради што е и пријавен.