Шпанците открија тајна: Зошто Адама Траоре е „отпорен“ на повреди и изгледа како ѕвер?

Адама Траоре ги воодушеви навивачите на Барселона во својот прв настап по враќањето во каталонскиот клуб.

Траоре по седум години се врати на Камп Ноу каде пристигна на позајмица до крајот на оваа сезона од Вулверхемптон. Тој веќе настапи на натпреварот против Атлетико Мадрид и со својата игра ги воодушеви навивачите на Барселона.

Адама забележа асистенција на овој меч, но со своите пробиви ги полуде дефанзивците на Атлетико Мадрид и според многумина беше еден од најдобрите поединци на овој натпревар.

Познато е дека Траоре се појави во дресот на Барселона, но потоа во летото 2015 година замина во Англија каде во изминатите седум години играше за Астон Вила, Мидлсброу и Вулверхемптон.

Во претходните сезони Адама беше најмногу во центарот на вниманието поради неговиот неверојатен изглед, бидејќи се претвори во вистинска машина. И покрај тоа што изгледа како бодибилдер, тој има неверојатна брзина, но и техника со топка.

Во една прилика дури изјави дека воопшто не крева тегови и дека тие не се причината поради која се здобил со такви мускули.

Шпанските медиуми утринава објавија дека Адама со години има строг распоред од кој не сака да се откаже бидејќи дал одлични резултати. Тој не поминува толку многу време во теретана како што мислат многумина, туку едноставно го почитува распоредот за тренинзи и исхрана што многумина не можат да го поднесат.

Како што соопшти Cadena SER, Адама со години тренира два пати дневно од понеделник до четврток. Тренира со тимот наутро, а попладне тренира сам по посебна програма. Тој тренира со тимот во петок, а потоа се подготвува за натпреварот.

Тренинзите кои ги прави сам најчесто се засноваат на вежби за сила и превенција од повреди. Но, покрај тренинзите, огромна улога во сето тоа имаат и исхраната и диетата кои тој ги следи со години.

Тој е многу внимателен што јаде и во која количина, а некое време размислувал и да стане вегетаријанец, но сфатил дека црвеното месо му дава протеини без кои не може да живее, но и многу други работи.

На лекарските прегледи челниците на Барселона беа шокирани од неговиот изглед и одличната физичка кондиција со која располага. Ги воодушеви со своите настапи на прегледите, а за каква машина се работи покажа уште во првиот настап во дресот на Барселона.

Шпанските медиуми пренесуваат дека неговата исхрана е слична на онаа на Кристијано Роналдо, а тоа важи и за тренинзите и затоа е јасно зошто Адама речиси и да нема проблеми со повредите.

Исто така, Cadena SER наведува дека Феран Торес, кој го имитира Кристијано Роналдо, неодамна вовел сличен режим.