Финале пред финалето: Тие се навикнати да победуваат, но ние го сакаме ова повеќе од 50 години

Денеска се закажани два натпревари со кои стартуваат осминафиналето во Лигата на шампионите.

Финалето пред финалето и дербито од овој дел од натпреварувањето ќе го одиграат ПСЖ и Реал Мадрид, а првиот меч го играат утре во Париз од 21 часот.

Тренерот на францускиот тим, Маурисио Покетино, истакна што мислат сите – дека оваа двојка можеше да биде финале на натпреварувањето.

„Оваа двојка може да биде и во финалето на Лигата на шампионите. ПСЖ го сака трофејот повеќе од 50 години, така што ние сме предизвикувачите. Реал Мадрид е тој кој има навика да ја освојува Лигата на шампионите“, рече Аргентинецот.

„Мислам дека двата тима имаат ист притисок. Го почитуваме Реал Мадрид како еден од најголемите клубови во светот. Тоа е клуб кој зборува сам за себе во Лигата на шампионите, без разлика кои играчи ги има или кој е тренерот. Големината на Реал Мадрид е добро познат“.

Денеска се игра и дуелот помеѓу Спортинг и Манчестер Сити, а во среда ќе ги одмериме Салцбург и Баерн, како и Интер и Ливерпул.

Првите натпревари меѓу Челзи и Лил, како и Виљареал и Јувентус се планирани за вторник следната недела, додека дуелите Бенфика – Ајакс и Атлетико Мадрид – Манчестер Јунајтед ќе се играат во среда на 23 февруари.

Реваншот во Мадрид помеѓу Реал и ПСЖ ќе се одигра на 9 март.