Она што Реал го подготви за Мбапе едноставно не може да се одбие

Килијан Мбапе е голема желба на Реал Мадрид и претседателот на кралевите Флорентино Перез прави се за да го доведе во својот клуб.

Самиот фудбалер никогаш не криел дека би сакал да го облече дресот на Реал. Сепак, ниту ПСЖ не се откажува од обидите да го задржи, а ни претстои многу возбудливо лето во кое ќе се чека одлуката на одличен фудбалер.

Во јавноста често се појавуваат бројни бројки кои Мбапе би требало да ги заработува во иднина, а ABC Deportes тврди дека Реал подготвил навистина импресивна понуда за Французинот.

„Кралевите“ се подготвени да му платат 25 милиони евра по сезона за шестгодишниот договор, и тоа по даноците, па 23-годишниот напаѓач за шест години би требало да има 150 милиони евра од договорот со Реал без никакви дополнителни бонуси.

Според многу европски новинари, Мбапе веќе постигнал договор со Реал, но од почит кон ПСЖ, тој се уште не сака да ја објави одлуката за напуштање на клубот.

Самиот фудбалер неколку пати истакна дека многу го цени својот сегашен клуб и дека од почит кон нив не сака премногу да зборува за иднината.

„Ќе дадам се од себе за да ги освојам сите можни трофеи со ПСЖ. Имам голема почит кон клубот и моите соиграчи“, изјави овој прекрасен фудбалер на крајот од минатата година.

Одлуката за продолжување на кариерата на Мбапе ќе биде донесена по натпреварите против Реал Мадрид во Лигата на шампионите. Ова неодамна го потврди тренерот на ПСЖ, Маурисио Покетино.

„Разговарав со него за тоа и работата е јасна. Тој моментално е фокусиран само на ПСЖ. Тој ќе донесе одлука за својата иднина по дуелот против Реал Мадрид и тој самиот ми го кажа тоа. Гледам колку е фокусиран и мотивиран за конечно ПСЖ да го донесе трофејот во Лигата на шампионите“, изјави Покетино.

Килијан Мбапе е член на ПСЖ од 2017 година. Тој одигра 158 натпревари и постигна 132 гола.