Првите препукувања во соблекувалната на Јувентус: „Не би ги коментирал другите изјави…“

Фудбалерите на Јувентус синоќа повторно ги шокираа своите навивачи со испаѓањето од Лигата на шампионите.

Ова е трета сезона по ред во која Старата дама натпреварувањето го завршува во осминафиналето, а подобар од Јувентус на овој дуел беше Виљареал, кој не доби премногу шанси да помине.

На првиот натпревар беше 1:1, додека синоќа Виљареал ги шокираше навивачите на стадионот Алијанц во Торино бидејќи славеше со 3:0 и на крајот успеа да се пласира во четвртфиналето.

Навивачите на Јувентус веднаш по натпреварот го преплавија целиот тим со своите критики, а најмногу на мета беше тренерот Масимилијано Алегри, кој повторно не успеа да направи ништо важно со Јувентус во Лигата на шампионите.

Алегри по натпреварот изјави дека неговиот тим одиграл добро и дека воопшто нема да ја менува тактиката на овој натпревар и пристапот кој го имаа неговите играчи.

Но, јасно е дека атмосферата во соблекувалната сега е уште потресена по новиот очаен резултат на Јувентус, а прв на некој начин кој му се спротивстави на Алегри беше Хуан Куадрадо.

Колумбиецот не е среќен што многумина толку многу ги критикуваа играчите и што Алегри најмногу ја бранеше својата тактика.

„Знам дека нема оправдување за ова вечерва и фудбалот понекогаш е токму таков. Се обидовме да направиме се што бараше тренерот од нас и игравме со тактиката што тој ја постави пред натпреварот. Секој играч го даде својот максимум и секако дека сме вознемирен што отпаднавме“, рече Куадрадо, додавајќи.

„Не би коментирал некои други изјави и треба да ја свртиме страницата и сега да се фокусираме на Серија А и Купот на Италија. Сега ни е тешко, но утре треба да го заборавиме овој натпревар“.