Неверојатен натпревар и пораз на Јувентус од Џенова (ВИДЕО)

Во 36. коло од италијанската Серија А, Џенова го совлада Јувентус на својот „Луиџи Ферарис“ со 2:1 во неверојатен натпревар и остана во игра за опстанок.

За домашните овој натпревар требаше да се биде или не. Потребна им беше победа, а на крајот дојдоа до големи три бода. Првото полувреме од овој натпревар не понуди премногу. Џенова беше поофанзивна, но немаше големи шанси.

Вреди да се забележат само обидите на Кин на едната и на Портан од другата страна, но по 45 лоши минути беше 0:0.

Второто полувреме започна со добра шанса за Дестрао, но напаѓачот на Џенова не се снајде најдобро во шеснаесетникот и пропушти голема шанса.

Казната пристигнува во 49. минута. Пауло Дибала прекрасно погодува за предност на гостите од Торино од 1:0.

Потоа Јуве го затвори натпреварот. Џенова изгледаше беспомошно, а Старата дама трпеливо ја чекаше својата шанса за втор гол. Во 66. минута повторно блиску беше Дибала, овојпат домашните ги спаси стативата.

Кин промаши слободен удар во 71. минута. Од неколку метри не успеа да постигне гол, а потоа Душан Влаховиќ ја фрли на земја одбраната на домашните, но го промаши голот.

Нова шанса пред голот на домаќините беше забележана во 77. минута. Повторно Кин пропушти чиста шанса и го остави домашниот тим во игра.

Сепак, Џенова беше немоќна во фазата на напад. „Старата дам“а лесно ги запираше сите противнички напади се до 87. минута, кога Гудмундсон ја заврши убавата акција на домашните со гол за 1:1.

Во 88. минута Џенова пропушти голема шанса. Рабиот прави голема грешка, Амири е сам пред голот, но Шчесни чудесно брани и резултатот е 1:1.

А потоа лудило. Кин промаши празен гол, а на спротивната страна Џенова добива пенал. Кришито постигна гол и донесе победа на Џенова од 2-1.