Connect with us

Фудбал

Е, ова е вистинска љубов кон клубот, се пласираа во Трета лига, а имаат навивачи како да освоиле Лига шампиони (ВИДЕО)

Рот-Вајс Есен е еден од најстарите клубови во Германија, но со децении не е на големата сцена.

Пред неколку дена овој клуб го постигна најголемиот успех во поновата историја, т.е. се врати во третиот ранг на германскиот фудбал.

Есен е меѓу десетте најголеми градови во Германија, а се чини дека во градот со речиси 600.000 жители, фудбалот полека почнува да се враќа.

Пред околу 16.500 гледачи, Ален беше поразен со 2-0, што значеше дека РВЕ по долги 14 години се враќа во третата лига.

По натпреварот имаше големо славје, навивачите го наполнија тревникот и се славеше до доцна во ноќта како да е освоена Лигата на шампионите или некое друго престижно натпреварување.

РВЕ смета дека со промоцијата во третата лига ќе се отвори вратата за дополнителни приходи за оние од ТВ правата и спонзорите, а целта е во наредните години да се најде меѓу 25-те најдобри клубови во Германија.


Интересно, овој клуб банкротираше во 2010 година, но навивачкиот ентузијазам не престана, па тие полека чекаа и конечно го дочекаа својот момент на слава.

Патем, РВЕ во своите витрини има една титула во Германија и Купот на ДФБ, освоена во раните 1950-ти.