„Вие мора да се шегувате“, Ливерпул ја одби втората понуда на Баерн Минхен за Мане

Тој лично е подготвен да потпише договор со Баерн, но неговиот клуб Ливерпул во моментов ги одбива понудите од Германија. Поточно, пристигнаа две, а и двете беа протолкувани како „шеги“ на „Енфилд“.

Раководството на Баерн најпрвин понуди 30 милиони евра за Садио Мане, а неколку дена подоцна повторно тропна на вратата на славниот клуб, овојпат со понуда од 27,5 милиони евра со осум милиони евра во вид на бонус врз основа на учинокот на играчот.

Ливерпул веднаш одби и им порача на Германците дека нивната понуда е навистина слаба и дека повторно ја окарактеризираа како „шега“. Тоа е затоа што Британците веруваат дека Баерн вовел некои бонуси кои е речиси невозможно да се очекуваат.

Ова вклучува освојување на Златната топка од страна на напаѓачот, но и освојување на историска тројна круна во дресот на Баерн (Бундеслига, Куп на Германија и Лига на шампиони).