Connect with us

Фудбал

Американска актерка сака да стане акционер во Арсенал (ФОТО)

Одличните резултати, новиот стадион и враќањето на публиката го направија Арсенал интересна инвестиција. Затоа и не е чудно што клубот од Лондон е интересен за многу богаташи од целиот свет. Според порталот Трансфермаркт, само играчкиот кадар на Арсенал моментално вреди 803.000.000 евра.

Она што е крајно невообичаено е што како можен акционер на Арсенал се споменува познатата американска актерка Рис Витерспун (46), која има голем број улоги во холивудските блокбастери.

Американката во јануари  била во Англија, ги следеше натпреварите на Арсенал и беше воодушевена од атмосферата и она што го виде во Премиер лигата.

– Доколку има простор за инвеститори во Арсенал, јас и моите синови би биле среќни. Ова е нашиот омилен тим. Го гледавме натпреварот пред некој ден, беше неверојатно. Ова е нашиот тим – изјавила Витерспун во емисијата „Оне шоу“, а нејзините зборови ги пренесе весникот „Мирор“.

Таа откри дека таа заедно со остатокот од нејзиното семејство ги поддржува „Топчиите“. Засега нема индиции дека сопственикот на клубот Стен Кроенке би бил отворен за нови инвеститори кои ќе влезат во раководството. Па, дури и ако неговите сонародници се Американци.

Сепак, Рис Витерспун признава дека би уживала во шансата да инвестира во фудбалски клуб од Премиер лигата. Треба да се спомене дека уште еден познат американски актер Рајан Рејнолдс е акционер на фудбалски клуб во Велика Британија, поточно на тимот на Рексам од Велс, кој се натпреварува во петтата лига.

А Ештон Качер, исто така голема ѕвезда во Холивуд, го сака фудбалот. Тој гостуваше во истата емисија со Рис Витерспун и призна дека неодамна бил блиску до одлука да купи познат клуб од Англија.