Какви парови во ЛШ, има да грми, Пеп Гвардиола со Сити против својот некогашен тим Баерн Минхен, финале пред финале

Точно напладне беа извлечени паровите за четвртфиналето во Лигата на шампионите. Жрепката сакаше во оваа фаза да се сретнат двата најголеми фаворити за пехарот, Манчестер Сити и Баерн Минхен. Пеп Гвардиола, на кормилото на англискиот тим против неговиот некогашен тим Баерн Минхен, кој со успех го предводеше.

🇪🇸 Real Madrid vs Chelsea 🏴󠁧󠁢󠁥󠁮󠁧󠁿
🇵🇹 Benfica vs Inter 🇮🇹
🏴󠁧󠁢󠁥󠁮󠁧󠁿 Man City vs Bayern 🇩🇪
🇮🇹 Milan vs Napoli 🇮🇹

*FC Internazionale Milano's match has been reversed in accordance with the principles set by the Club Competitions Committee. #UCLdraw pic.twitter.com/m1gMqFs1fV

— UEFA Champions League (@ChampionsLeague) March 17, 2023

Втората мега пресметка е дуелот помеѓу Реал Мадрид и Челзи. Иако лондонскиот тим во Премиер лигата сезонава не е убедлив, односно игра слабо, сепак никогаш не треба да се отпишува.

Со оглед на тоа дека во оваа фаза имаше три италијански клубови, се очекуваше да имаме и италијанска пресметка во четвртфиналето. Тоа ќе биде дуелот помеѓу Милан и сезонава одличниот Наполи на нашиот Елиф Елмас.

Последниот пар е Бенфика и Интер.

Уште сега се знае кој со кого ќе игра во полуфиналето. Едното полуфинале ќе го сочинуваат победниците од дуелите Милан-Наполи и Бенфика – Интер, а вториот полуфинален пар ќе го направат победниците од мечевите Манчестер Сити-Баерн Минхен и Реал Мадрид-Челзи.

Првите четвртфинални натпревари ќе се одиграат на 11. и 12. април, додека реваншите се закажани за 18. и 19. април. Полуфиналните мечеви се закажани за 9. и 10. мај, односно 16. и 17. мај.