„Нѐ тераат да играме фудбал, зарем смe глувци да експериментираат на нас?“

Дефанзивецот на Њукасл, Дени Роуз вели дека властите вршат експеримент над фудбалерите откако екипите од Премиер лигата добија зелено светло да се вратат на тренинзите во мали групи.

„Јас умирам од желба за да играм повторно фудбал, но погледнете ја ситуацијата. Сакаат да се вратиме на фудбалот како да сме гвинејски свињи или лабораториски глувци. Оваа фаза ќе биде како експеримент, а ние ќе бидеме најзасегнати. Слушам како зборуваат: Заработува милиони и би требало да игра. Јас не сакам да си го ризикувам здравјето за да забавувам други луѓе“, изјави Роуз.

Премиер лигата е пред своето враќање, наводно тоа треба да се случи на средината од јуни, но уште се поделени мислењата околу тоа и не е одреден конечниот датум.