Алонсо го „провоцира“ Хамилтон

Фернандо Алонсо и Луис Хамилтон своевремено беа членови на Мекларен, а сето тоа заврши со заминувањето на Шпанецот од британскиот тим.

Алонсо по неколку години повторно ќе биде во Формула 1. Следната година ќе се натпреварува во болид на Рено и е оптимист.

Хамилтон неодамна стана шампион по седми пат, а шпанскиот возач верува дека може да го предизвика британецот кој е како Михаел Шумахер во 2005 и 2006 година.

“Последен пат кога се борев со седумкратен шампион, го победив. Ќе се обидеме повторно следната година”, рече Алонсо.

Сепак, за да биде конкурентен со Мерцедес, Алонсо е свесен дека правилата ќе мора да се променат бидејќи германскиот тим е повеќе од доминантен.

“Секако дека би сакал да ја освојам третата титула. Не се враќам да ги посетувам рестораните во секој град. Вие се обидувате да постигнете одредена цел и се обидувате да победите. Петтото место е подобро од шестото, но тоа не прави толку голема разлика, или ќе победите или не”.

“Целта е да се обидеме да ја освоиме титулата. Знаеме дека во 2021 година ќе биде тука само за Хамилтон и Мерцедес. Рено Алпин, Фернандо, Ферари, Карлос Саинц, Ред Бул, Верстапен, многу луѓе имаат големи надежи”, рече Алонсо.